चटण्या - कोशिंबीर मुख्यपान

कढीलिंबाची चटणी


साहित्य - १ वाटी कढीलिंबाची पाने, २ चमचे पांढरे तीळ, ५-६ हिरव्या मिरच्या, चविनुसार मीठ, थोडी पिकलेली चिंच. फोडणीसाठी गोडेतेल २ चहाचे चमचे व हळद, हिंग, मोहरी प्रत्येकी १ लहान चमचा.

कृती - कढईत थोडया तेलाची हिंग, मोहरी, हळद घालून फोडणी द्यावी. त्यात मिरचीचे तुकडे करून टाकावेत, गॅसवर जरावेळ मिरचीचे तुकडे परतावेत, नंतर त्याच फोडणीत कढीलिंबाची पाने घालावीत व तीळ आणि चिंच घालून परतावे. नंतर त्याच फोडणीत कढीलिंबाची पाने घालावीत व तीळ आणि चिंच घालून परतावे. कढीलिंब कुरकुरीत झाला की कढई खाली उतरवावीव सर्वपदार्थांची पाटयावर किंवा मिक्सरमध्ये चटणी वाटावी.

ओल्या नारळाची चटणी


साहित्य - १ वाटी ओल्या नारळाचा चव, ५-६ हिरव्या मिरच्या, १ चमचा जिरे, मीठ, १ चमचा साखर, १ वाटी कोथिंबीर, अर्धे लिंबू.

कृती - हिरव्या मिरच्या, मीठ, जिरे, व कोथिंबीर बारीक वाटा त्यावर ओल्या नारळाचा चव, साखर बारीक वाटून घ्या व लिंबू पिळा.

लसणीच्या पातीची चटणी


साहित्य - १ गड्डी लसूणपात, ४-५ हिरव्या मिरच्या, १ चमचा जिरे, १ वाटी कोथिंबीर, १ लिंबाचा रस, मीठ.

कृती - लसणीची पात बारीक चिरून घ्या, ओले लसूण सोलून घ्या. प्रथम मीठ, मिरच्या व जिरे बारीक वाटून चिरलेली पात व कोथिंबीर बारीक वाटा. नंतर लिबू पिळा. सुंदर हिरवीगार चटणी तयार होते. गरम भाकरीबरोबर छान लागते. ही चटणी २-३ दिवस टिकते.

Share
 
Joomla SEO powered by JoomSEF