सेवासुविधा मुख्यपान

 

ह्या महिन्याचे राशिभविष्य

राशीभविष्य - जानेवारी २०१८

एस. जी. अकोलकर


नव्या वर्षात शनिमहाराजांचे भाग्यस्थानात भ्रमण ही व्यावसायिक दृष्टीने ही फारच महत्वाची घटना आहे. व्यवसायात झालेली कोंडी दूर होऊन अपेक्षा पूर्ण करणार्‍या गोष्टी घडू लागतील. गुरूचे भ्रमण आता प्रतिकूल स्थानातून होणार आहे. आपल्या वजनावर नियंत्रण ठेवा तरूणांनी पोलाद, खाणकाम इ. क्षेत्रातील शिक्षणक्रमांना प्रवेश घ्यावा. या महिन्यात प्रणयी जनांना एकमेकांच्या भावना समजून घेण्यास प्रयास पडतील.

अनुकूल - २, ९, १७, २६ प्रतिकूल - १९, २८


गुरू पंचमस्थानात होता तोपर्यंत प्रकृतीची काळजी करण्याचे फारसे कारण नव्हते. पण तोच आता रोगस्थानात गेला असल्याने नव्या वर्षात आहार विहारावर लक्ष ठेवायला हवे. गुरूची दृष्टी दशमावर असल्याने कार्यालयातील तणावही हळूहळू निवळायला लागतील. शनीचा अष्टमातील मुक्काम फारसा अनुकूल नाही. शनी हा भाग्येश असल्याने आता नशिबावर जास्त भिस्त ठेवू नका. स्वत:च्या प्रयत्नांवरच जास्त मेहनत घ्या.

अनुकूल - ५, १०, १९, २५ प्रतिकूल - ३, २२


नव्या वर्षात सप्तमातला शनी भागीदारीच्या व्यवसायासाठी अनुकूल आहे. गुरूबल नसल्याने लांबलेले विवाह जमवून आणण्यासाठी त्याची काही प्रमाणात मदत होईल. परंतु जोडीदारांच्या वयातील अंतर कमी राहील. चित्रपट - नाटक निर्मात्यांना नव्या निर्मितीसाठी ग्रहमान अनुकूल आहे. तुम्हाला स्वत:ला देखील कार्यालयात एखाद्या मनोरंजनाच्या कार्यक्रमाचे आयोजन करावे लागेल. त्यानिमित्ताने झालेल्या ओळखीतून काही नव्या धाग्याची गुंफण होऊ शकेल.

अनुकूल - २, ८, १३, २२ प्रतिकूल - ४, २४


नव्या वर्षात षष्ठातला शनि आर्थिक आवक वाढवणार आहे. कार्यालयात विरोधकांच्या कारवाया थोडया वाढतील.गुरूचे भ्रमण आता प्रतिकूल स्थानातून होणार आहे, म्हणून लगेच घाबरून जाण्याचे कारण नाही. बाहेरगावी तुमवी बदली करण्यासाठी विरोधक प्रयत्न करतील. ती टाळण्यासाठी ज्येष्ठांची मदत घ्या. राशीवरील राहू पराक्रमाला प्रेरणा देणारा ठरेल. विवाहाच्च्या बाबतीत जोडीदाराची सखोल चौकशी आवश्यक आहे. फसवणूक होऊ शकेल.

अनुकूल - ५, ९, २०, २५ प्रतिकूल - ७, २६


नव्या वर्षात गुरू ७ - ११ स्थानांवर अमृतदृष्टीने पहात आहे. जनसंपर्काचे वर्तुळ रुंदावत राहील. संपर्कात आलेल्या माणसांना तुम्ही मनापासून मदत कराल व तीच माणसे उपकार स्मरून तुम्हाला मदत करतील. भागीदारीच्या व्यवसायासाठीही ग्रहमान उत्तम आहे. उत्पन्नात वाढ होईल. मुले अभ्यास सोडून भरकटत जाणार नाहीत हे महिलांनी पहावे. शनीचा प्रवेश पंचमात झाल्यामुळे तरूणांचे विवाह लांबणीवर पडण्याची शक्यता आहे. जास्त चिकित्सा करीत बसाल तर आलेले स्थळ निघून जाईल.ची निवड करतांना शारीरिक आकर्षणापेक्षा स्वभावगुणांवर भर.

अनुकूल - ८, १३, २२, २६ प्रतिकूल - ९, २८


नव्या वर्षात गुरू धनस्थानातून भ्रमण करीत आहे. आपली आर्थिक प्राप्ती कशी वाढवता येईल. ग्राहकांचे मन जिंकून घेण्यासाठी लागणारे वाक्चातुर्य व थोडी आक्रमकता यांचा उपयोग करून मार्केटिंगमध्ये मोठी झेप घेता येणे शक्य आहे. ऊर्जा, इंधने, मोबाईल्स, पोलिस यंत्रणा या क्षेत्रातील व्यक्तींची प्राप्ती लक्षणियरित्या वाटेल. महिला नातेवाईकांना भक्कम मदत करू शकतील. तरूणांना निसर्गरम्य ठिकाणी आपले प्रेम व्यक्त करता येईल.

अनुकूल - ५, ११, २३, २६ प्रतिकूल - १३, २१


नव्या वर्षात शनी पराक्रमस्थानात आहे. काही तरी स्थायी स्वरूपाची कामगिरी करून दाखवण्याची प्रेरणा मिळेल. प्रवास, कार्यालयीन दौरे यातुन काही हाती लागेल. ज्येष्ठांचा अनादर करू नका. वेळोवळी त्यांचा सल्ला घ्या. उच्च शिक्षण कोणत्या, शाखेतले, किती मुदतीचे घ्यायचे याचा पटकन निर्णय घेऊन अभ्यासक्रमाला प्रवेश घ्या. परदेशी कंपनीत प्रवेश मिळवण्यासाठीही तो अनुकूल आहे. कार्यालयात खूप मेहनत केली तरच वरिष्ठांकडून कौतुकाचे शब्द कानावर पडतील. महिलांनी अनावश्यक खर्च टाळावेत. तरूणांना सावळया रंगाचे स्थळ येईल.

अनुकूल - ३, १२, १८, २७ प्रतिकूल - ६, १४


नव्या वर्षात प्रतिकूल गुरू-मंगळामुळ प्रकृतीस्वास्थ्य अबाधित राखणे कठीण जाईल. थोडयाशा श्रमांनीही थकवा जाणवेल. त्यातच केलेल्या कामाचे फारसे कौतुक होण्याऐवजी वरिष्ठांकडून टीकाच ऐकून घ्यावी लागेल. त्यामुळे स्वभाव चिडचिडा बनेल.आहेत. शनी हा तुमच्या राशीस्वामीचा शत्रू असला तरी धनस्थानातील त्याचा प्रवेश आर्थिक प्राप्ती वाढवणारा आहे. विशेषत: जमिनीचे व्यवहार, फ्लॅट्सची खरेदी विक्री यातून चांगला पैसा मिळू शकेल. वित्तीय कंपन्यातील काही संबंधांचा फायदा मिळू शकेल. महिलांना स्वयंपाक घरासाठी काही उपकरणांची खरेदी करावी लागेल. तरूणांना थोडा एकटेपणा वाटेल.

अनुकूल - ६, १०, १९, २४ प्रतिकूल - ३, १३


नव्या वर्षात लाभातला गुरू अपेक्षापूर्ती करील. जनसंपर्काच्या कक्षा रुदांवत राहणार आहेत. कलावंत धनाढय व्यक्ती, सार्वजनिक जीवनात सक्रिय असलेली माणसे संपर्कात येतील. त्यांच्याद्वारे काही ना काही लाभ कोणत्या ना कोणत्या स्वरुपात होत राहतील. कार्यालयात अधिकारपदाची आशा धरायला हरकत नाही. महिलांना व्यवसायासाठी पतिराजांच्या ओळखी उपयोगी पडतील. तरूणांना शिक्षण, न्यायदान, केटरिंग क्षेत्रात संधी येतील. राशीवरील शनीमुळे काही कामे लांबणीवर टाकण्याची प्रवृत्ती वाढेल. पण तिला आवर घाला.

अनुकूल - ३, ७, २३, २७ प्रतिकूल - ९, १९


कार्यालयातल्या अडचणींचे निवारण करण्यासाठीच गुरू आता दशमात स्थानापन्न झाला आहे. गेले बरेच दिवस तुमच्या अधिकारांवर अधिकाधिक नियंत्रणे येत आहे. कार्यक्षमतेबाबतही प्रश्नचिन्ह उपस्थित केले जात आहे. पण आता वरिष्ठांचा पूर्ण विश्वास पुन: संपादन करू शकाल. कोर्टाची प्रकरणे कोर्टाबाहेर ज्येष्ठांच्या मध्यस्तीने मिटवा. महिलांना केशरचना, प्रसाधनांची कामे मिळतील. तरूणांच्या जोडीदाराला मुलाखतीसाठी आमंत्रण येईल.

अनुकूल - ३, ७, २३, २७ प्रतिकूल - ९, १९


भाग्यस्थानातील गुरूचा प्रवेश आध्यात्मि‍क दृष्टया महत्वाचा आहे. घरात काही देवतांच्या उपासना चालू असतील. तर त्या फलद्रूप होतील. मंत्र-तंत्र, गूढविद्या यांच्या अभ्यासाकडे आकर्षित व्हाल. सध्या कार्यालयीन कामकाजावर जास्त लक्ष केद्रिंत करणे महत्वाचे आहे. हिशोबाची प्रकरणे मार्गी लागतील. महिलांचा कल सजावट, फॅशन्स कडे जास्त राहील. तरूणांना अगदी हवा तसा जोडीदार मिळण्याचे योग आहेत.

अनुकूल - ७, १२, २१, २६ प्रतिकूल - १४, २४


गुरूचे भ्रमण नव्या वर्षात प्रतिकूल स्थानातून होणार आहे, म्हणून लगेच घाबरून जाण्याचे कारण नाही. राशीस्वामी शनि पूर्णत: अनुकूल असल्याने तुमची सर्व स्वप्ने धीम्या गतीने का होईना पूर्णत्वाच्या दिशेने वाटचाल करतील. वैवाहिक जीवनात मात्र अधिक काळजी घ्या. घायकुतेपणाने नव्हे तर समजुतीचे धोरण स्वीकारल्याने बरेच प्रश्न सुटतील. तरूणांनी जोडीदाराची प्रकृती सांभाळावी.

अनुकूल - ७, १२, २१, २६ प्रतिकूल - १४, २४

 

व्यक्तिगत सल्ल्यासाठी संपर्काचा नवीन पत्ता -

श्री. एस जी अकोलकर
बिल्डिंग नं. ७ - अ फ्लॅट नं. ४९९ (२रा मजला),
जुनी एमएचबी कॉलनी,
एल.टी. रोड समोर
बोरिवली पश्चिम,
मुंबई-४०००९१

संपर्क - ९८६९२२९८४४

ई-मेल - हा ई-मेल स्पँमबॉट्स पासुन् सुरक्षित आहे. हा बघण्यासाठि जावास्क्रिप्ट सक्रिय करा.

डॊन वास्को- सिग्नल नंतर होटेल विविध पाशी उजव्या हाताला वळा. सरळ पुढे या. उजव्या बाजूला - (सलोनी ब्यूटी पार्लर तळमजला)

 

उत्तर प्रदेशाचे राज्यपाल मा.राम नाईक यांचे हस्ते Marathiworld.com चे ज्योतिषी एस.जी.अकोलकर यांचा सत्कार शिवजयंतीस करण्यात आला. त्यांच्या ३५ वर्षाच्या ज्योतिषसेवेचे महत्त्व जाणून  मुंबईतील जोगेश्वरी युवा प्रतिष्ठानने त्यात पुढाकार घेतला. श्री अकोलकर याचे योगदान असे :
 
मराठी  चित्रपट :
१) कलावंत विकणे आहे 
२) आपली माणसे 
३) श्रद्धा
 
टी.व्ही. मालिका :
१) बंदिनी(अधिकारी ब्रदर्स)
२) हाथकडी (मुंबई दूरदर्शन)
 
नाटक : 
१) चालविशी हाती 
२) तीन लाखावी गोष्ट (नाट्यसपंदा)
३) धुके न्हाऊन गेले  (महाराष्ट्र शासन पुरस्कार)
 
पटकथा : कुटुंब नियोजन (राष्ट्रीय पुरस्कार.)
टेलिफिल्म : तीस लाखांची गोष्ट. (E TV.)
YouTube : धन धना धन (पूर्ण नाटक)
 
दैनिक व मासिक : 
१) मुंबई सकाळ. (१२ वर्षे)
२) महाराष्ट्र टाईम्स
३) कृषीवल (कोकण)
४) बहुश्रुत
 
वार्षिक : 
१) महाराष्ट्र टाईम्स
२) गांवकरी ( नासिक)
३) रसरंग
 
इंटरनेट : www.marathiworld.com
 

 

श्री. एस. जी. अकोलकर, प्रसिध्द ज्योतिषी व चित्रपट कथा लेखक. हे ह्या क्षेत्रातील जवळपास ३० वर्षांहून अधिक अनुभवी आहेत. १२ वर्षे ते मुंबई सकाळ ह्या महाराष्ट्रातील अग्रमानांकित वृत्तपत्रात स्तंभलेखन करीत होते. महाराष्ट्राचे मुख्यमंत्री, शिवसेनाप्रमुख इ. च्या बाबतीत त्यांनी वर्तवलेली अनेक राजकीय भाकिते यशस्वी झाली आहेत. श्री. अकोलकर यांचा कृष्णमूर्ती पध्दतीचा (नक्षत्रांच्या गणितीवरून मांडलेले आडाखे/सिध्दांत) गाढा अभ्यास आहे.

 

Share
 
Joomla SEO powered by JoomSEF

 
सेवासुविधा