गोड आठवणींना उजाळा!
विघ्नहर्त्या गणेशाच्या आगमना आधीच राशीस्वामी शनीच्या कचाटयातून मुक्तहोत असल्याने उत्सवाला उत्साहाने सामोरे जाऊ शकाल. वैवाहिक जीवनात सौख्य फुलेल, उत्कंट प्रेमाच्या आठवणी जाग्या होतील. अद्ययावत ज्ञानाचा संपर्क राखल्यास नोकरी व्यवसायातल्या बर्‍याच अडचणी कमी होतील. कला-करमणुकीच्या क्षेत्रात नैपुण्य दाखवण्यास संधी मिळेल. तरूणांच्या बाबतीत परिचयातून प्रेमाकडे व विवाहबंधनाकडे वेगाने वाटचाल होईल.वडीलधार्‍यांबरोबर तीर्थक्षेत्रांना भेटीचे योग येतील.

अनुकूल ७,१२,२२,२७
प्रतिकूल १४,२४

हवेसे पाहूणे
उत्कर्षाकडे वाटचाल चालूच रहाणार आहे. नेमके कोणत्या दिशेने प्रयत्न करावेत यो अचूक मार्गदर्शन ज्येष्ठ व अनुभवी लोकांकडून मिळेल. कार्यालयात अधिकारावर थोडीफार नियंत्रणे येतील. वेळकाढूपणाचा वरिष्ठांकडून होऊ शकेल. त्यामुळे कार्यालयातील नियम व शिस्त पाळणे आवश्यक आहे. गृहिणींना आवडत्या पाहुण्यांच्या आगमनामुळे आनंद होईल. घरातल्या तरूण पिढीसाठी त्यांच्यापैकी व त्यांच्या ओळखीने एखादे स्थळ मिळेल.

अनुकूल ५,१०,१९,२८
प्रतिकूल ४,२१

छाप टाकाल
राशीवरील शनि-मंगळाची युती दुसर्‍या सप्ताहात संपुष्टात येत असल्याने प्रकृतीच्या बर्‍याच तक्रारी दूर होतील. सांधेदुखीच्या वारंवार उदभवणार्‍या तक्रारी टाळण्यासाठी दूध व कॅल्शियमयुक्त आहार व औषधांची गरज आहे. उत्तरार्धात मनाचा उत्साह अधिक वाढेल व खर्चाचे दडपण टाळण्यासाठी अनेक मार्ग सुचतील. महिला आपल्या गायनाची छाप श्रोत्यांवर टाकू शकतील. तरूणांना लांबच्या नात्यातले किंवा त्यांच्या ओळखीने देखणे स्थळ येईल.

अनुकूल ५,१०,१९,२३
प्रतिकूल ७,२६

सुखद सहवास
तुमच्या व्यक्तिमत्वाची आकर्षणशक्ती खूपच वाढणार आहे. अनेक मित्र-मैत्रिणी सतत तुमच्या आसपास घोटाळत राहतील. त्यांच्यापैकी कुणाच्या तरी सुखद सहवासाची अपेक्षा पूर्ण होईल. तरूणांच्या बाबतीत तर अशा आकर्षणातून स्थायी संबंधही जुळण्याची दाट शक्यता आहे. शासकीय कामे व स्नेह्यांकडून होण्यासारखी कामे पूर्वार्धात करावीत. महिलांना मुलांच्या खर्चिकपणाला आळा घालावा लागेल. जोडीदाराचे मात्र चांगले सहकार्य लाभेल.

अनुकूल ५,११,१९,२६
प्रतिकूल ९,२८

उत्कर्षाकडे घौडदौड
एक गुरू सोडल्यास सर्वच ग्रहांची जबरदस्त अनुकूलता लाभली आहे अशा वेळी आर्थिक प्रगतीकडे,प्रतिष्ठेकडे वेगाने घौडदौड चालू राहील. नव्या संधी येतील. कामाचे शिस्तबध्द नियोजन करू शकाल. कला-करमणुकीच्या क्षेत्रात आपला ठसा उमटवाल. तयार कपडे,दागदागिने,हॉटेल व ऑटोमोबाईल व्यवसाय यामध्ये तरूणवर्ग मोठी झेप घेऊ शकेल. थोडया वेगळया विचाराच्या व्यक्तींशी ओळख होईल.

अनुकूल ७,११,१७,२३
प्रतिकूल ६,१५

सहकार्‍यांशी सुसंवाद
कार्यालयातील लोकप्रियता खूपच वाढेल. एखादा छोटा समारंभ आयोजित करण्याची जबाबदारी अंगावर पडण्याचा संभव आहे. सहकर्मचार्‍यांशी व्यक्तिगत सुसंवाद साधू शकाल पूर्वार्धात प्रकृतीच्या काही तक्रारी,थकवा, डोळयांची जळजळ इ.उदभवू शकतील. उत्तरार्धात शासकीय कामाच्या संदर्भात दूरचे प्रवास करावे लागतील. महिलांना आवडत्या अशा क्षेत्रात कलागुण दाखवण्याची संधी मिळेल. तरूणांना नोकरीतल्या ओळखीतून जोडीदार गवसेल.

अनुकूल ६,१०,१९,२९
प्रतिकूल ७,१६

प्रेमाची पाठशाला
कला करमणुकीच्या क्षेत्रात प्रशिक्षण घेण्यासाठी ग्रहमान अनुकूल आहे. हॉटेल व हॉस्पिटॅलिटी, लांबच्या प्रवासासाठी अलिशान वाहने भाडयाने देणे,दागिन्यांची विक्री या क्षेत्रात तरूणांना चांगली संधी मिळू शकेल. आध्यात्मिक विषयावरील वक्त्यांना व प्रवचनकारांना भरघोस आर्थिक प्राप्ती होईल. शैक्षणिक वा न्यायदान क्षेत्रातील मंडळीनाही पगारवाढ मिळू शकेल. तरूणवर्गातल्या मंडळीना शिकता शिकता प्रेमाचे धडेही गिरवता येतील.

अनुकूल ७,११,२१,२६
प्रतिकूल ९,१९

स्वत:ला सांभाळा
तुमचा स्वभाव कितीही सात्विक व समंजस असला तरी येत्या काही दिवसात एखाद्या मोक्याच्याक्षणी तुमचा तोल जाण्याचा संभव आहे. एखाद्या देखण्या व्यक्तीबद्दल आकर्षण वाटण्यात काहीच गैर नाही. पण संबंध कुठपर्यंत न्यायचे व त्याची परिणाम काय होईल याचे भान ठेवा. तुमच्या कार्यालयीन कौशल्याचे कौतुक नक्कीच होईल. महिलांनी गोड गोड बोलणार्‍या व भरमसाठ आश्वासने देणार्‍या माणसांपासून दूर रहावे.

अनुकूल ६,९,१९,२४
प्रतिकूल १३,२१