पारंपारिक गाणी मुख्यपान

देवादिकांची गाणी/आरत्या

गणपतीची आरती

सुखकर्ता दु:खहर्ता वार्ता विघ्नाची
नुरवी पुरवी प्रेम कृपा जयाची 
सर्वांगी सुंदर उटी शेंदुराची 
कंठी झळके माळ मुक्ताफळांची 
जय देव जय देव जय मंगलमूर्ती 
दर्शनमात्रे मन:कामनापूर्ती ॥ जय देव ॥

रत्नखचित फरा तुज गौरी कुमरा 
चंदनाची उटी कुंकुम केशरा 
हिरे जडित मुकुट शोभतो बरा
रूणझुणती नुपुरे चरणी घागरिया ॥१॥

लंबोदर पितांबर फणीवर बंधना 
सरळसोंड वक्रतुण्ड त्रिनयना 
दास रामाचा वाट पाहे सदना 
संकटी धावावे निर्वाणी 
रक्षावे सुरवर वंदना ॥२॥

- संत रामदास

आरती श्री. दत्ताची

त्रिगुणात्मक त्रैमूर्ती दत्त हा जाणा ।
त्रिगुणी अवतार त्रैलोक्य-राणा ॥
नेती नेती शब्दें नये अनुमाना । 
सुरवर मुनीजन योगी समाधि न ये ध्याना ॥१॥

जय देव जय देव जय श्रीगुरूदत्ता । 
आरति ओवांळीता हरली भवचिंता ॥ध्रु॥

सबाह्य-अभ्यंतरीं तू एक दत्त । 
अभ्याग्यासी कैचीं कळेल ही मात ॥
पराहि परतलिं तेथे कैंचा हा हेत । 
जन्ममरणाचा पुरलासे अंत ॥ जय ॥२॥

दत्त येऊनियां उभा ठाकला । 
सद्भावे साष्टांगे प्रणिपात केला ॥
प्रसन्न होऊनी आशिर्वाद दिधला । 
जन्ममरणाचा फेरा चुकविला ॥ जय ॥३॥

दत्त दत्त ऐसे लागले ध्यान । 
हारपलें मन झालें उन्मन ॥ 
मीतूंपणाची झाली बोळवण । 
एकाजनार्दनीं श्रीदत्तध्यान ॥ जय ॥४॥

- संत एकनाथ

 

Share
 
Joomla SEO powered by JoomSEF